Аргентина терма жамоасининг собиқ дарвозабони Уго Гатти португалиялик ҳужумчи Криштиану Роналдунинг ўзини тарихдаги энг яхши футболчи деб аташини қўллаб-қувватламади. «Ан-Наср» ва Португалия терма жамоаси ҳужумчиси ўзини энг яхши деб атади.  

«Ҳаммага маълумки, мен учун ҳеч қачон, ҳеч ким Пеле даражасида бўлмаган ва бўлмайди. У билан ҳеч ким тенглаша олмайди, у ягона эди.  

Криштиану яқинда жуда яхши ўйнади, лекин у ҳатто Пеле даражасига яқин ҳам эмас. Марадона ва Месси ҳам Пелега тенглаша олмайди.  

Лекин Роналдунинг бу гаплари асоссиз эмас, чунки у ҳамма ерда чемпион бўлган, ҳамма ерда гол урган, дунёнинг энг йирик клубларида тўп сурган. Аммо у тарихдаги энг яхши эмас. [Пеледан кейин] ҳали Кройфф, Марадона, Роналдиньо ва Ди Стефано бор.  

Менга Криштиану жуда ёқади, лекин ҳеч ким ҳеч қачон Пеле билан тенглаша олмайди. Пеле – Марадона, Роналду, Месси, Роналдиньо ва Кройффдан ҳам яхшироқ», – деди Аргентина терма жамоасининг собиқ дарвозабони.