Рональд Араухо жароҳат олди.
Ла Лиганинг 23-тур учрашувининг 16-дақиқасида "Севилья" ярим ҳимоячиси Сауль Ньигес каталонияликлар жарима майдончаси ичида "Барселона" ҳимоячисидан тўпни олиб қўйишга уриниб, рақибини йиқитди.
Уругвайлик футболчига ёрдам кўрсатилди ва ўйнашни давом эттиришга муваффақ бўлди, аммо охир-оқибат уни алмаштиришни сўради. 22-дақиқада Рональд ўрнига Пау Кубарси майдонга тушди.
Араухо жорий Испания чемпионатида "Барселона" сафида фақат учинчи ўйинини ўтказди. У сонидан олган жароҳатдан тикланиш учун узоқ вақт сарфлади.
