"Милан"нинг собиқ футболчиси Мауро Тассотти клубнинг "Фейеноорд"дан сотиб олинган мексикалик ҳужумчиси Сантьяго Хименеснинг ўйинидан мамнун.
Хименес "Милан" сафида "Эмполи"га қарши ўйинда дебют қилди ва дарҳол гол урди.
"Мен уни ўтган йили "Лацио"га қарши ўйинда кўрганман ва у менга ёққанди. "Милан"да бошқа марказий ҳужумчилар бор, аммо Мората ва Абраҳам ҳозирча унчалик яхши ўйин кўрсата олишмади.
Мората бир мавсумда камдан-кам гол урди. Хименес - жарима майдончаси одами, ҳужумларни якунловчи.
У жуда кўп гол урди, лекин унутмаслигимиз керакки, бу Нидерландияда бўлган, Италияда ҳужумчиларга қарши кураш бошқа даражада бўлган", - дея Тассоттининг сўзларини келтиради pianetamilan.it.
