"Манчестер Сити" бош мураббийи Хосеп Гвардиола ўтган ўйиндаги ҳаракатлари учун Жек Грилишни мақтади.
29 ёшли футболчи Англия кубогининг сўнгги босқичида "Лейтон Ориент"га қарши бўлиб ўтган учрашувда (2:1) бошидан охиригача иштирок этиб, голли узатма амалга оширди.
"Иккала қанотдаги ўйинчимиз (Грилиш ва Савио) ўша ўйинда ажойиб ҳаракат қилишди, хавфли вазиятлар яратишди.
Мен Жек учун хурсандман. Унда кўча футболчисига хос туйғу бор, у кўчада шаклланган ўйинчи. Кўпчилик футболчилар биз мураббийлар туфайли ҳаддан ташқари академик бўлиб қолишган. Жек эса - майдонга чиқиб, жон-жаҳди билан курашувчи ўйинчилардан бири", - деди Гвардиола.
