"Manchester Siti" bosh murabbiyi Xosep Gvardiola o‘tgan o‘yindagi harakatlari uchun Jek Grilishni maqtadi.
29 yoshli futbolchi Angliya kubogining so‘nggi bosqichida "Leyton Oriyent"ga qarshi bo‘lib o‘tgan uchrashuvda (2:1) boshidan oxirigacha ishtirok etib, golli uzatma amalga oshirdi.
"Ikkala qanotdagi o‘yinchimiz (Grilish va Savio) o‘sha o‘yinda ajoyib harakat qilishdi, xavfli vaziyatlar yaratishdi.
Men Jek uchun xursandman. Unda ko‘cha futbolchisiga xos tuyg‘u bor, u ko‘chada shakllangan o‘yinchi. Ko‘pchilik futbolchilar biz murabbiylar tufayli haddan tashqari akademik bo‘lib qolishgan. Jek esa - maydonga chiqib, jon-jahdi bilan kurashuvchi o‘yinchilardan biri", - dedi Gvardiola.
