"Барселона" дарвозабони Войцех Шесни жамоаси билан навбатдаги ғалабасини қўлга киритди.
Якшанба куни Каталония гранди Ла Лига доирасида сафарда "Севилья"ни мағлуб этди (4:1). Ўйиннинг 62-дақиқасида Фермин Лопес майдондан четлатилганидан кейин Ханс-Дитер Флик шогирдлари ўз дарвозасидан гол ўтказиб юбормади. Шесни тўртта зарбадан учтасини қайтаришга муваффақ бўлди. 34 ёшли польшалик учун бу "кўк-анорранглилар" учун тўққизта ўйиндаги саккизинчи ғалабадир. Улар ғалаба қозона олмаган ягона ўйин Чемпионлар лигасининг "Аталанта"га қарши умумий босқичининг сўнгги тури бўлди (2:2), ўшанда жамоа 1/8 финалга тўғридан-тўғри йўлланмани кафолатлаган эди.
Войцех Шесни "Барселона"га ўтган йилнинг октябрь ойида келиб қўшилганди.
