IFFHS таҳлилчилари январь ойи натижаларига кўра дунёнинг энг яхши футбол клуби номини эълон қилишди.
Эълон қилинган рейтингда Лондоннинг “Арсенал” жамоаси биринчи ўринни эгаллади. Микель Артета шогирдлари ўтган ой бешта ўйинда ғалаба қозонишган, учта дуранг ва битта мағлубиятга учраган.
Иккинчи ўринни Миланнинг “Интер”и, учинчи ўринни эса “Реал Мадрид” эгаллади. Рейтингда кейинги ўринларда Франциянинг “ПСЖ” ва Испаниянинг “Атлетико” клублари жойлашган.
Англия премьер-лигасининг 24-туридан кейин “Арсенал” турнир жадвалида иккинчи ўринда бормоқда. Артета шогирдлари пешқадам “Ливерпул”дан 6 очко ортда қолмоқда.
