Сешанба куни "Манчестер Сити" Чемпионлар Лигаси плей-офф босқичининг биринчи ўйинида "Реал"ни қабул қилади.
Жамоалар сўнгги йилларда бир-бирлари билан мунтазам учрашиб туришибди. Ўтган мавсумда "қаймоқранглилар" пенальтилар сериясида ғалаба қозонган бўлса, 2023 йилда "шаҳарликлар" кучлироқ бўлиб чиққанди, бир йил аввал эса ғолиб мадридликлар бўлди.
Эътиборлиси, ҳар учала ҳолатда ҳам қарама-қаршилик ғолиби якунда Чемпионлар лигасини қўлга киритди.
"Мен “Реал”ни ўзимизга душман деб билмайман. Буни ҳамма кўрмоқчи бўлган классик тўқнашув деб аташ мумкин.
Шунинг учун биз шу ердамиз. Бу Чемпионлар лигаси, энг муҳим ўйинлар.
Энг яхши клуб ғалаба қозонсин", - дея Диашнинг сўзларини келтиради инглиз ОАВ.
