"Реал" ҳужумчиси Винисиус Жуниор "Манчестер Сити" мухлисларининг баннери ҳақидаги саволга жавоб берди.
86-дақиқагача ҳисобда ортда қолган меҳмонлар Англияда ғалаба қозонишди (3:2).
Винисиус иккита голли узатмани амалга оширди ва учрашувнинг энг яхши футболчиси деб топилди. Ўйин бошланишидан олдин "Этиҳад" трибуналарида Родри ва "Олтин тўп" туширилган баннер пайдо бўлди.
Эслатиб ўтамиз, Винисиус нуфузли индивидуал мукофот учун овоз беришда иккинчи ўринни эгаллаган ва бу маросимда иштирок этишдан бош тортган.
“Мухлислар бундай баннерларни осиб қўйиши мени майдонда яна ҳам кўп ҳаракат қилишга ундайди.
Мен бугун ажойиб ўйин ўтказдим", - дея Винисиуснинг сўзларини келтиради Madrid Universal.
