"Реал Мадрид" бош мураббийи Карло Анчелотти "Манчестер Сити"га қарши Чемпионлар лигаси жавоб ўйини учун икки ҳимоячининг сафга қайтишини кутмоқда. "Қироллик" клуби илк учрашувда 3:2 ҳисобида зафар қучди.
"Жамоа охирги ўйинда яхши ҳимояланди. Шуни таъкидлашни истардимки, бу ҳимоя чизиғи ҳеч қачон бирга ўйнамаган, улар машғулотларда ҳам бирга ўйнашмаган. Лекин йигитлар ажойиб ўйин кўрсатишди. Жавоб учрашувида бизга Рюдигер ва Алаба керак. Улар ўша вақтгача таркибга қайтишлари керак", - дея италиялик мутахассиснинг сўзларини келтирмоқда Marca нашри.
