"Барселона" юлдузи Роберт Левандовски иқтидорли Ламин Ямални огоҳлантирди.
“Ямал – ажойиб иқтидорга эга. Ямал ўн йил ичида энг юқори даражада қолиши ҳақида ўйлаши керак.
Гап ҳозир ёш футболчилар билан нима содир бўлаётгани ҳақида кетмоқда. Улар топган пул жуда яхши.
Лекин тўғрисини айтайлик, пул футболчини кучсизлантириши мумкин. Мен ўйнашни бошлаганимда интернет эндигина пайдо бўлган ва бошқача ишлаган.
Менинг авлодимда футбол ўйнаш осонроқ эди, лекин ҳозир ижтимоий тармоқларда ўзингиз ҳақингизда кўплаб салбий фикрларни кўришингиз мумкин.
Узоқ муддатда бу ёшларга зарар етказиши мумкин.
Ямалнинг истеъдоди шубҳасиз яхши, лекин у ўн йил ичида ғалабаларга ўч қолиши муҳим", деди Левандовски.
