Ади Хюттер Чемпионлар лигасининг илк плей-офф ўйинида "Бенфика"дан учралган мағлубиятга (0:1) баҳо берди.
"Мағлубият минимал эди, энди жавоб ўйини ҳақида ўйлашимиз керак. Биз учун вазият янада мураккаблашди. Биз Лиссабонга борамиз ва 1/8 финалга чиқиш учун ҳамма нарсани қилишга ҳаракат қиламиз.
Ўйиндан сўнг кийиниш хонасида қуйидагиларни айтдим: Ҳа, биз натижадан мамнун эмасмиз, аммо иккинчи ўйин бор ва биз ўзимизнинг энг яхши футболимизни кўрсатишимиз керак. Бу қийин вазифа, лекин сиз ишонишингиз керак", деди "Монако" устози.













