Родриго Де Поль Ла Лигада чемпионлик учун кураш ҳақида гапирди.
Аргентиналик ярим ҳимоячи "Атлетико"да январь ойининг энг яхши футболчиси деб топилди ва совринни қўлга киритгач, интервью берди.
"Биз кимлар билан курашаётганимизни биламиз. Дунёнинг энг яхши икки жамоаси билан. Улар чекинмаслигини, уларда жуда юқори савиядаги футболчилар борлигини биламиз. Биз жанг қиламиз, ёнма-ён боришга ҳаракат қиламиз. Биз жамоага, қилаётган ишимизга, қандай ишлаётганимизга ишонамиз. Бизнинг ишимиздаги фарқ мана шунда: жамоа - энг муҳими.
Хўш, бир неча ойдан кейин ҳаммаси қандай ўтишини кўрамиз," - деди Де Пауль.
"Реал" Испания чемпионатининг 23-туридан кейин 50 очко тўплаган ҳолда мусобақа жадвалида пешқадамлик қилмоқда. "Атлетико" 49 очко билан иккинчи, "Барселона" эса 48 очко жамғариб, 3-ўринда бормоқда.
