Иньяки Пеньянинг келажаги масаласи ёзда ҳал бўлади.
"Барселона" дарвозабонининг амалдаги келишуви 2026 йилнинг 30 июнига қадар мўлжалланган. Клуб ушбу санага қадар шартномаси тугайдиган барча футболчилар билан янги шартномалар имзолаган.
Пенья масаласида ҳамкорликни узайтириш масаласи ёзга қолдирилди - томонлар июнь ойида музокараларни бошлайди, деб ёзади Marca. "Кўк-анорранглилар" Иньякининг қолишини истайди. Клуб бу мавсумдаги сабоқни ҳисобга олди ва таркибда иккита захира дарвозабони бўлиши кераклигини тушунди - асосий дарвозабон роли Марк-Андре тер Штегенда қолади. Каталонияликларнинг фикрича, Андер Астралага ва Диего Кочен ҳали бу даражада ўйнашга тайёр эмас.
Футболчининг ўз позицияси ҳозирча номаълум.
Эслатиб ўтамиз, аввалроқ Испания Суперкубоги ярим финалидан ўрин олган "Атлетик"ка (2:0) қарши ўйин олдидан Пенья жамоа машғулотига кечикиб келгани сабабли каталонияликлар асосий таркибида Войцех Шенсни майдонга тушганди. Иньяки кейинчалик яна бир нечта ўйин ўтказди, аммо 18 январдан бери майдонга тушмади.
