Рафаэль Бенитеснинг фикрича, "Реал" услуби Трент Александр-Арнольдга мос келади.
"У ҳужумкор ҳимоячи. Ҳозир ҳам баъзан ярим ҳимояда ўйнайди. "Реал" - ҳужумкор жамоа. Улар Испаниядаги энг яхши жамоа ва шундай бўлиб қолади. "Барселона" ва "Атлетико"нинг ишлари яхши кетаётган бўлса ҳам, "Реал"да салоҳият бор, шунинг учун улар ҳар доим (пойгада) бўлади.
Шундай экан, ҳужумкор жамоада ҳужумкор ҳимоячи сифатида голли узатмаларни амалга ошириш, ҳужумда имкониятлар яратиш имконияти кўпроқ бўлади. Бу унга футболчи сифатида яхши. "Ливерпуль"да шундай қилиши ажабланарли эмас, аммо "Реал"да йиллар давомида шундай қилишига кафолат бериш мумкин.
"Ливерпуль" мухлислари ўрнида бўлганимда, унинг қолиши анча яхши бўлади, деган бўлардим, чунки у ўзига хос нимадир қила олади. Аммо у кетса, "Мадрид" ва Испания мухлиси сифатида айтаман, бу у ва "Реал" учун яхши бўлади," - деди "Ливерпуль" ва "Реал"нинг собиқ устози.
