Туриннинг "Ювентус" клуби марказий ҳужумчиси Рандал Коло-Муани "кекса синьора" устози Тиаго Мотта ҳақида ўз фикрлари билан ўртоқлашди.
“Мотта футболчилар билан кўп гаплашади ва уларга маслаҳат беради. У бу қандай катта клуб эканлигини ва бунинг учун бор нарсамизни беришимиз кераклигини тушунтиради. Жамоада мураббий ва футболчилар ўртасида ажойиб тушуниш бор, бу бизни кучлироқ қилади. Бизда шундай мураббий борлиги яхши", - дейди франциялик ҳужумчи.
Мотта ўтган ёзда "Ювентус" бош мураббийи лавозимини эгаллаган эди. Унинг қўл остида туринликлар А Серия турнир жадвалида бешинчи ўринда бормоқда.
