Turinning "Yuventus" klubi markaziy hujumchisi Randal Kolo-Muani "keksa sinyora" ustozi Tiago Motta haqida o‘z fikrlari bilan o‘rtoqlashdi.

“Motta futbolchilar bilan ko‘p gaplashadi va ularga maslahat beradi. U bu qanday katta klub ekanligini va buning uchun bor narsamizni berishimiz kerakligini tushuntiradi. Jamoada murabbiy va futbolchilar o‘rtasida ajoyib tushunish bor, bu bizni kuchliroq qiladi. Bizda shunday murabbiy borligi yaxshi", - deydi fransiyalik hujumchi.

Motta o‘tgan yozda "Yuventus" bosh murabbiyi lavozimini egallagan edi. Uning qo‘l ostida turinliklar A Seriya turnir jadvalida beshinchi o‘rinda bormoqda.