«Barselona» kelajakda Sesk Fabregasni klubga qaytarish imkoniyatiga ega.

AS nashri ma’lumotiga ko‘ra, ispaniyalik mutaxassisning «Komo» bilan shartnomasida kelishuvni muddatidan oldin bekor qilish bo‘yicha maxsus shartlar mavjud.

Agar «Arsenal», «Chelsi» yoki «Barselona» Fabregasni bosh murabbiy lavozimiga taklif qilmoqchi bo‘lsa, ular Italiya klubi bilan alohida muzokara o‘tkazmasdan, oldindan belgilangan qat’iy summani to‘lab, mutaxassisni olib ketishi mumkin.

Avvalroq matbuotda Xans-Diter Flik «Barselona» bosh murabbiyi lavozimini tark etsa, aynan Fabregas uning o‘rnini egallash uchun asosiy nomzod bo‘lishi haqida xabarlar tarqalgan edi.