Англия миллий терма жамоасининг собиқ ҳужумчиси Даррен Бент мисрлик Муҳаммад Салоҳ ва португалиялик Криштиану Роналдунинг Англия Премьер-лигасидаги ўйинларини таққослади.
"Салоҳ - Англия Премьер-лигаси тарихидаги энг буюк футболчилардан бири. Унинг кўрсаткичлари бунга далил бўла олади. Агар рамзий терма жамоа тузилса, у шубҳасиз қанотда ўрин эгаллайди. Ҳатто кимдир Роналдуни танлашни истаса ҳам, Салоҳ ундан афзалроқ," - дея Дарреннинг сўзларини "Talksport" келтиради.
Маълумот учун, Муҳаммад 2017 йилнинг ёзидан бери "Ливерпуль" сафида тўп тепиб келмоқда. Унинг "қизиллар" билан тузилган меҳнат шартномаси июнь ойи охиригача амал қилади.
