Бразилия терма жамоасининг собиқ ҳужумчиси, ҳозирда Испаниянинг «Вальядолид» клуби эгаси бўлган Роналдо ўз фаолияти давомида бирга ўйнаган энг яхши футболчиларни номлади.  

«Энг яхшилари – Роналдиньо – терма жамоада, ва Зидан – клуб даражасида. Зизуда жуда катта маҳорат бор эди, у ўзгача, техникаси юқори ва ҳамма нарсани осон бажарарди», – деб Роналдонинг сўзларидан иқтибос келтиради "Marca" нашри.

Роналдо ўз фаолияти давомида «Крузейро», ПСВ, «Барселона», «Интер», «Реал», «Милан» ва «Коринтианс» клубларида тўп сурган. У фаолияти давомида 735 та ўйин ўтказиб, 512 та гол урган.