Лондоннинг "Челси" клуби ёзги трансфер ойнасида жамоанинг ҳужум чизиғини кучайтиришни режалаштирмоқда. Ижтимоий тармоқлар орқали инсайдер Николо Скиранинг хабар беришича, "аристократлар" айни дамда "Галатасарой"да ижара асосида ўйнаётган нигериялик марказий ҳужумчи Виктор Осимхенни трансфер қилишни мақсад қилган.

Нигериялик футболчининг тўлиқ шартномаси "Наполи"га тегишли. Меҳнат шартномаси муддати 2026 йилнинг ёзида тугайди. Унинг трансфер қиймати 75 миллион еврога баҳоланмоқда.

26 ёшли ҳужумчи Туркия Суперлигасининг жорий мавсумида 16 та ўйинда майдонга тушди. Осимхен 12 та гол урди ва 4 та голли узатмани амалга оширди.