Londonning "Chelsi" klubi yozgi transfer oynasida jamoaning hujum chizig‘ini kuchaytirishni rejalashtirmoqda. Ijtimoiy tarmoqlar orqali insayder Nikolo Skiraning xabar berishicha, "aristokratlar" ayni damda "Galatasaroy"da ijara asosida o‘ynayotgan nigeriyalik markaziy hujumchi Viktor Osimxenni transfer qilishni maqsad qilgan.
Nigeriyalik futbolchining to‘liq shartnomasi "Napoli"ga tegishli. Mehnat shartnomasi muddati 2026 yilning yozida tugaydi. Uning transfer qiymati 75 million yevroga baholanmoqda.
26 yoshli hujumchi Turkiya Superligasining joriy mavsumida 16 ta o‘yinda maydonga tushdi. Osimxen 12 ta gol urdi va 4 ta golli uzatmani amalga oshirdi.
