"Атлетико" ярим ҳимоячиси Пабло Барриос Европанинг икки топ-клуби қизиқишлари доирасида. «Bild» нашри журналистларининг маълум қилишича, 21 ёшли хавбекни Мюнхеннинг "Бавария" ва Лондоннинг "Челси" клублари ўз сафига қўшиб олмоқчи.
Ҳар икки клуб ярим ҳимоячи учун 70 миллион евро беришга тайёр. Шу билан бирга, Барриоснинг меҳнат шартномасида 100 миллион миқдорида банд кўрсатилган. Футболчининг "матрасчилар" билан амалдаги шартномаси 2028 йилнинг ярмигача мўлжалланган.
Жорий мавсумда ярим ҳимоячи Мадрид клубининг 24 та жангида иштирок этди. Барриос иккита самарали узатмани ўз ҳисобига ёздириб қўйди.
