Мадриднинг "Атлетико" клуби форварди Хулиан Альварес фаолиятини Англия чемпионатида давом эттириши мумкин. «Ok Diario» журналистларига кўра, 25 ёшли ҳужумчининг хизматларига "Манчестер Юнайтед" қизиқиш билдирмоқда.
"Қизил иблислар" хўжайинлари ёзги трансферлар вақтида футболчи учун 150 миллион евро таклиф қилишга тайёр. Манкунианликлар Альвареснинг жорий мавсум "матрасчилар" сафидаги ўйинидан ҳайратда. Бироқ, Хулианнинг ўзи "Атлетико"да ҳамма нарсадан мамнун ва жамоани тарк этишни режалаштирмаяпти.
Эслатиб ўтамиз, ҳужумчи Мадрид клубига 2024 йилнинг ёзида "Манчестер Сити"дан кўчиб ўтган эди.
