Madridning "Atletiko" klubi forvardi Xulian Alvares faoliyatini Angliya chempionatida davom ettirishi mumkin. «Ok Diario» jurnalistlariga ko‘ra, 25 yoshli hujumchining xizmatlariga "Manchester Yunayted" qiziqish bildirmoqda.
"Qizil iblislar" xo‘jayinlari yozgi transferlar vaqtida futbolchi uchun 150 million yevro taklif qilishga tayyor. Mankunianliklar Alvaresning joriy mavsum "matraschilar" safidagi o‘yinidan hayratda. Biroq, Xulianning o‘zi "Atletiko"da hamma narsadan mamnun va jamoani tark etishni rejalashtirmayapti.
Eslatib o‘tamiz, hujumchi Madrid klubiga 2024 yilning yozida "Manchester Siti"dan ko‘chib o‘tgan edi.
