"Порту"нинг собиқ раҳбари Жорже Пинту да Кошта вафот этди.
Португалия клубининг собиқ президенти 87 ёшда эди. У саратон билан курашаётган эди, сўнгги ҳафталарда унинг аҳволи ёмонлашди.
Жорже Пинту да Кошта "Порту" президенти лавозимида 42 йил - 1982 йил апрелидан 2024 йил майигача ишлаган. Унинг қўл остида клуб 69 та совринни қўлга киритган. Бундан ташқари, "аждарлар" 1986/87 йилги Европа Чемпионлар Кубоги ва 2003/04 йилги Чемпионлар Лигасида ғолиб чиқди.
Ўтган йилдан буён "Порту" президенти лавозимини Андре Виллаш-Боаш эгаллаб келмоқда.













