Ўзбекистон миллий терма жамоаси бош мураббийи Миржалол Қосимов Хитой ва Жанубий Кореяга қарши ўйинлар учун чақирилган футболчиларнинг якуний рўйхатини эълон қилди.

Миллий терма жамоа бош мураббийи Хитойга қарши ўйинга жўнаб кетиш олдидан терма жамоага жами 23 нафар футболчини жалб этган. Эслатиб ўтамиз, Миллий терма жамоа Тошкентдаги икки кунлик машғулотлардан сўнг 4 июнь куни Хитойга учиб кетади. Хабарингиз бор, Қосимов шогирдлари 6 июнь куни Хитойнинг Хаххот шаҳрида Хитой миллий терма жамоасига қарши ўртоқлик ўйинини ўтказади.

Хитойга қарши учрашувдан сўнг Қосимов шогирдлари ЖЧ-2014 саралаши 9-туридан ўрин олган учрашувда 11 июнь куни сафарда Жанубий Корея терма жамоасига қарши майдонга тушади. Ўзбекистон миллий терма жамоаси мазкур учрашувда иштирок этиш учун 8 июнь куни Хитойдан Жанубий Корея пойтахти Сеулга йўл олади.

Ўзбекистон миллий терма жамоасининг Хитой ва Жанубий Кореяга қарши ўйинлари учун чақирилган футболчилари рўйхати:

Дарвозабонлар:
Игнатий Нестеров («Бунёдкор»)
Муроджон Зуҳуров («Бунёдкор»)
Сардор Қобулжонов («Бухоро»)
Ҳимоячилар:
Шоҳрух Гадоев («Насаф»)
Виталий Денисов («Локомотив» Москва)
Артём Филипосян («Бунёдкор»)
Акмал Шораҳмедов («Бунёдкор»)
Шавкат Муллажонов («Лиаонинг Вофин»)
Анзур Исмоилов («Чангчун Ятай»)
Ислом Тўхтахўжаев («Локомотив»)
Ислом Иномов («Локомотив»)
Ярим ҳимоячилар:
Олег Зотеев («Бунёдкор»)
Жасур Ҳасанов («Бунёдкор»)
Фозил Мусаев («Бунёдкор»)
Сервер Жепаров («Сеонгнам Ильва Чунма»)
Азиз Ҳайдаров («Аш Шабоб» Дубай)
Одил Аҳмедов («Анжи»)
Темур Кападзе («Актобе)
Санжар Турсунов («Локомотив»)
Ҳужумчилар:
Улуғбек Бақоев («Иртиш»)
Александр Гейнрих («Актобе»)
Фарҳод Тожиев («Локомотив»)
Баҳодир Насимов («Нефтчи» Боку)