"Реал" "Комо"дан Нико Пасни жамоага қайтариш ҳақида ўйламоқда.
Marca хабарига кўра, мадридликлар ярим ҳимоячининг ўсишидан мамнун - ҳозирча Пас яқинлашиб келаётган ёзда "Реал"га қайтишга яқин турибди. Клуб тарбияланувчининг келажаги бўйича якуний қарорни жорий мавсум якунига яқин қабул қилади.
Агар "Реал" Пасни "Комо"дан қайтариб сотиб олиш вариантини фаоллаштиришга қарор қилса, бу трансфер мадридликларга 9 миллион еврога тушади.
Жорий мавсумда 20 ёшли хавбек А Серияда 20 та ўйин ўтказиб, 5 та гол ва 3 та голли узатмага муаллифлик қилди.
