"Вальядолид" клуби бош мураббий истеъфосини эълон қилди.
Декабрь ойида жамоани қабул қилиб олган аргентиналик Диего Кокка лавозимини тарк этди.
Унинг қўл остида жамоа барча турнирларда 8 та ўйин ўтказди ва 7 та мағлубиятга учради - Кокка давридаги сўнгги ўйинда жамоа "Севилья"га ютқазди (0:4).
Жорий мавсумда собиқ футболчи Роналдо бошқарувидаги "Вальядолид" Ла Лигада 24 турда 12 очко жамғарган ҳолда сўнгги ўринда бормоқда. Эслатиб ўтамиз, клуб мавсум давомида 2-марта бош мураббийни истеъфога чиқармоқда - 1 декабрь куни 2023 йилдан буён жамоани бошқариб келаётган Пауло Пессолано жамоани тарк этди.
