Ҳужумкор ярим ҳимоячи Матеус Перейра "Крузейро"дан "Зенит"га ўтиши мумкин.
Матбуотда петербургликлар аллақачон уни таклиф қилгани ҳақида маълумот пайдо бўлди, аммо молиявий тафсилотлар очиқланмаган.
Globo Esporte хабарига кўра, "Зенит" Перейра учун 18 миллион евро тўлашга тайёр.
Қайд этилишича, "Крузейро" футболчининг иқтисодий ҳуқуқларининг 50 фоизига эгалик қилади. Матеус Перейра Европа футболида бир қанча клубларда, жумладан, “Вест Бромвич”да ўйнаган. Бразилиялик футболчи май ойида 29 ёшга тўлади.













