Hujumkor yarim himoyachi Mateus Pereyra "Kruzeyro"dan "Zenit"ga o‘tishi mumkin.
Matbuotda peterburgliklar allaqachon uni taklif qilgani haqida ma’lumot paydo bo‘ldi, ammo moliyaviy tafsilotlar ochiqlanmagan.
Globo Esporte xabariga ko‘ra, "Zenit" Pereyra uchun 18 million yevro to‘lashga tayyor.
Qayd etilishicha, "Kruzeyro" futbolchining iqtisodiy huquqlarining 50 foiziga egalik qiladi. Mateus Pereyra Yevropa futbolida bir qancha klublarda, jumladan, “Vest Bromvich”da o‘ynagan. Braziliyalik futbolchi may oyida 29 yoshga to‘ladi.













