"Бавария" бош мураббийи Венсан Компани "Селтик"ка қарши ЕЧЛ плей-оффининг жавоб ўйини натижасига (1:1) тўхталди.
"Бу оғир дуранг. Ўйлайманки, иккинчи бўлимда бизда кўп имкониятлар бўлди, икки-учта гол уришимиз мумкин эди. Контекст муҳим. Сўнгги олти кун ичида кўп энергия сарфладик. Натижада, Бундеслигадаги энг яқин таъқибчимиздан 8 очкога ўзиб кетдик ва Чемпионлар Лигаси 1/8 финалига йўл олдик. Энди бизда тикланиш учун вақт бор.
Албатта, биз ҳар доим устунлик қилишни ва рақибдан анча кучли бўлишни хоҳлаймиз, айниқса ўз стадионимизда, аммо натижа ҳар доим ҳамма нарсадан муҳимроқ. Биз бу ўйиндан сабоқ оламиз," - дея Компанининг сўзларини келтиради Bayern & Germany.
