Футзал бўйича аёллар терма жамоамиз Тожикистоннинг Душанбе шаҳрида бўлиб ўтган “CAFA Women's Futsal Championship-2025” мусобақасида иштирок этиб, фахрли иккинчи ўринни қўлга киритди. Терма жамоамиз бугун Тошкентга қайтиб келди.
Терма жамоа мураббийи Фаррух Зокиров йирик турнирдан сўнг ўз фикрларини билдириб ўтди.
"Ўз олдига катта мақсадларни қўйган терма жамоа учун мусобақанинг катта-кичиги йўқ. Муҳими, Ватанни муносиб ҳимоя қилиш. Тўртинчи мавсумдирки кумуш медал билан кифояланяпмиз. Насиб қилса, келаси сафар бош соврин бизники бўлади.
Мазкур турнир май ойида Хитойда бўладиган Осиё кубоги, бир пайтнинг ўзида Жаҳон чемпионатига саралаш ўйинлари олдидан ўзига хос тайёргарлик вазифасини ҳам ўтади", - дейди терма жамоа бош мураббийи.
