Сўнгги ҳафталарда "Ювентус" "Аталанта" форварди Адемола Лукманга қизиқиш билдирмоқда, дея хабар берди инсайдер Николо Скира.
Январь ойида клуб директорлари Бергамодаги ресторанда учрашиб, трансфер имкониятларини муҳокама қилишди.
Футболчи "Аталанта"ни тарк этмоқчи.
18 февраль куни Чемпионлар Лигаси 1/16 финал жавоб ўйинида "Брюгге"га қарши ўйинда (1:3) Лукман пенальтини аниқ амалга ошира олмади.
Ўйиндан кейин Гасперини нигериялик футболчи ўзи кўрган энг ёмон пенальти ижрочиларидан бири эканини айтди.
Кейинчалик Лукман ўзининг «Instagram» саҳифасида жамоа бош мураббийининг танқидига жавоб қайтарди.
Адемола Лукман Италия жамоасида 2022 йилдан буён тўп тепиб келмоқда. Бу мавсумда футболчи 28 та ўйинда майдонга тушиб, 15 та гол урди ва 6 та голли узатмани амалга оширди.
