So‘nggi haftalarda "Yuventus" "Atalanta" forvardi Ademola Lukmanga qiziqish bildirmoqda, deya xabar berdi insayder Nikolo Skira.

Yanvar oyida klub direktorlari Bergamodagi restoranda uchrashib, transfer imkoniyatlarini muhokama qilishdi.

Futbolchi "Atalanta"ni tark etmoqchi.

18 fevral kuni Chempionlar Ligasi 1/16 final javob o‘yinida "Bryugge"ga qarshi o‘yinda (1:3) Lukman penaltini aniq amalga oshira olmadi.

O‘yindan keyin Gasperini nigeriyalik futbolchi o‘zi ko‘rgan eng yomon penalti ijrochilaridan biri ekanini aytdi.

Keyinchalik Lukman o‘zining «Instagram» sahifasida jamoa bosh murabbiyining tanqidiga javob qaytardi.

Ademola Lukman Italiya jamoasida 2022 yildan buyon to‘p tepib kelmoqda. Bu mavsumda futbolchi 28 ta o‘yinda maydonga tushib, 15 ta gol urdi va 6 ta golli uzatmani amalga oshirdi.