"Барселона" қишки трансферлар вақтида ўнг қанот ҳимоячиси Эктор Фортни сотишдан бош тортди.
18 ёшли футболчини "Комо" ўз сафига қўшиб олмоқчи эди. Marca хабарига кўра, январь ойида итальян клуби истиқболли испаниялик футболчи учун 8 млн евро таклиф қилган, аммо "кўк-анорранглилар" раҳбарияти рад жавобини берган. Ўйинчининг ўзи ҳам кетмоқчи эмасди.
Эктор Форт жорий мавсумда Ханс-Дитер Флик жамоаси сафида 13 та ўйинда майдонга тушди. Латералнинг Каталония гранди билан шартномаси 2026 йилнинг ўрталарига қадар мўлжалланган.













