Европа Чемпионлар Лигасининг 1/8 финалида бизни Германиянинг икки клуби - Леверкузеннинг "Байер" ва Мюнхеннинг "Бавария" клублари тўқнашуви кутиб турибди. Ўзаро ўйинларга "доришунослар" муносиб тарзда ёндашадилар.
Статистикага назар ташласак, Леверкузен клуби кетма-кет олтита ўзаро ўйиндан бери барча мусобақаларда "Бавария"га ютқазмаяпти. Охирги мағлубият 2022 йил 1 октябрда қайд этилган. Ўшандан бери "Байер" уч марта "Бавария"ни мағлуб этган, шунингдек, уч марта дуранг ўйнаган.
Эътиборлиси, жорий мавсумда клублар уч маротаба тўқнаш келишди. Бундеслигада иккита дуранг қайд этилди, Германия кубогида "Байер" "Бавария"ни турнирдан чиқариб юборди.
