Yevropa Chempionlar Ligasining 1/8 finalida bizni Germaniyaning ikki klubi - Leverkuzenning "Bayer" va Myunxenning "Bavariya" klublari to‘qnashuvi kutib turibdi. O‘zaro o‘yinlarga "dorishunoslar" munosib tarzda yondashadilar.
Statistikaga nazar tashlasak, Leverkuzen klubi ketma-ket oltita o‘zaro o‘yindan beri barcha musobaqalarda "Bavariya"ga yutqazmayapti. Oxirgi mag‘lubiyat 2022 yil 1 oktyabrda qayd etilgan. O‘shandan beri "Bayer" uch marta "Bavariya"ni mag‘lub etgan, shuningdek, uch marta durang o‘ynagan.
E’tiborlisi, joriy mavsumda klublar uch marotaba to‘qnash kelishdi. Bundesligada ikkita durang qayd etildi, Germaniya kubogida "Bayer" "Bavariya"ni turnirdan chiqarib yubordi.
