"Реал" Жейми Гиттенсга қизиқиш билдирмоқда.

«Relevo» хабарига кўра, мадридликлар "Боруссия" Дортмунднинг 20 ёшли вингерини диққат билан кузатиб бормоқда.

Жорий мавсумда англиялик футболчи клуб сафида 34 та ўйинда майдонга тушиб, 11 та гол урди (шундан 4 таси Чемпионлар лигасида) ва 4 та голли узатмани амалга оширди. "Реал" агар имконият пайдо бўлса ва ҳужум чизиғидаги футболчилардан бири клубни тарк этишга қарор қилса, Гиттенсни сотиб олиш вариантини кўриб чиқади.

"Манчестер Сити" тарбияланувчиси Англияда ҳам эътибор қозонган. "Шаҳарликлар" ва АПЛнинг бошқа топ-клублари, жумладан, "Челси" ҳам футболчини диққат билан кузатмоқда.

«Transfermarkt» маълумотларига кўра, Гиттенс 50 миллион еврога баҳоланмоқда.