"Real" Jeymi Gittensga qiziqish bildirmoqda.

«Relevo» xabariga ko‘ra, madridliklar "Borussiya" Dortmundning 20 yoshli vingerini diqqat bilan kuzatib bormoqda.

Joriy mavsumda angliyalik futbolchi klub safida 34 ta o‘yinda maydonga tushib, 11 ta gol urdi (shundan 4 tasi Chempionlar ligasida) va 4 ta golli uzatmani amalga oshirdi. "Real" agar imkoniyat paydo bo‘lsa va hujum chizig‘idagi futbolchilardan biri klubni tark etishga qaror qilsa, Gittensni sotib olish variantini ko‘rib chiqadi.

"Manchester Siti" tarbiyalanuvchisi Angliyada ham e’tibor qozongan. "Shaharliklar" va APLning boshqa top-klublari, jumladan, "Chelsi" ham futbolchini diqqat bilan kuzatmoqda.

«Transfermarkt» ma’lumotlariga ko‘ra, Gittens 50 million yevroga baholanmoqda.