"Манчестер Сити" бош мураббийи Хосеп Гвардиола жорий мавсум якунлангач, клубни тарк этмоқчи, дея хабар бермоқда Footmercato журналисти Хосеп Педрерол.
Манбага кўра, испаниялик мутахассис ўтган йилнинг ёзида "Сити"ни тарк этиб, Англия терма жамоасини бошқаришни режалаштирган, аммо бу лавозимга Томас Тухель тайинланди. Ўшанда Гвардиола фаолиятини давом эттириш учун бошқа имконияти бўлмагани учун инглиз клубида қолишга қарор қилганди.
Шунга қарамай, Гвардиола ўз режаларини ўзгартирмагани ва Манчестер клубини тарк этмоқчи экани таъкидланмоқда.
Сўнгги ўйинда "Манчестер Сити" Чемпионлар Лигаси плей-оффининг жавоб баҳсида "Реал"га ютқазиб (1:3), турнирни тарк этди.
