"Фиорентина" ярим ҳимоячиси Эдоардо Бове ёзда футболга қайтишни режалаштираётганини айтди.
"Мақсадим - июнь ойида футболга қайтиш. Агар ички дефибрилляторни қолдиришга қарор қилсам, Италияда ўйнай олмайман. Чет элда деярли ҳамма жойда ўйнай оламан. Аммо шифокорлар уни олиб ташлашим кераклигини айтишмоқда. Футбол мен учун жуда муҳим. Мен таслим бўлмайман," - дея Бовенинг сўзларини келтиради Vanityfair.
Футболчи 1 декабрь куни "Интер"га қарши ўйинда юраги тўхтаб қолганди. 10 декабрь куни 22 ёшли италиялик дефибриллятор ўрнатиш бўйича жарроҳлик амалиётини бошдан кечирди.
