Олий лигада юзага келган танаффусда "Пахтакор" машғулотларни давом эттиради.

11 нафар футболчи ёшлар терма жамоаси таркибида Испаниядаги йиғинга жўнаб кетади. Уларнинг аксарияти аллақачон жамоамизнинг асосий таркиб ўйинчиларига айланиб бўлган.

Шунингдек, Бухорода бўлиб ўтадиган Универсиада ўйинларида ҳам бир қатор футболчилар ўзлари таҳсил олаётган олий ўқув юртларидан иборат вилоят ва шаҳар терма жамоалари шарафини ҳимоя қилишади. Жароҳатдан энди сафга қайтган ўйинчилар қисқа муддат дам олишади.

Қолган бир неча нафар футболчилар билан бош мураббий Мурод Исмоилов бошчилигидаги мураббийлар штаби ишлашда давом этади. Бунда кўпроқ ёш ўйинчилар мураббий ихтиёрида қолмоқда. 10 июнь куни "Динамо"га қарши назорат баҳси ўтказилади.