Хаби Алонсонинг келажаги масаласи яқин орада ойдинлашади.
«Marca» хабарига кўра, март ойида "Байер" бош мураббийи клуб раҳбарлари билан учрашув ўтказади. Томонлар ҳамкорликни давом эттириш имкониятларини муҳокама қиладилар.
"Байер"дагилар испаниялик мутахассисга бошқа клублардан ҳам таклиф кам бўлмаслигини билишади. Шу билан бирга, Алонсо вакиллари мураббийнинг келажаги ҳақидаги қарор, у қандай бўлишидан қатъи назар, Леверкузен клуби билан келишилган ҳолда ва томонлар бир-бирини максимал даражада ҳурмат қилган ҳолда қабул қилинишини яхши билишади.
Қайд этилишича, "Реал" 43 ёшли мутахассисга ҳали ҳеч қандай таклиф билан чиқмаган. Ҳозирда Мадрид клуби Карло Анчелотти қўл остида Чемпионлар лигаси ғолиблиги учун курашга бел боғлаган.
Алонсо "Байер"ни 2022 йил октябрь ойида қабул қилиб олган ва ўтган мавсумда жамоани чемпионликка олиб чиққан эди. Унинг шартномаси 2026 йилгача амал қилади.
