Xabi Alonsoning kelajagi masalasi yaqin orada oydinlashadi.
«Marca» xabariga ko‘ra, mart oyida "Bayer" bosh murabbiyi klub rahbarlari bilan uchrashuv o‘tkazadi. Tomonlar hamkorlikni davom ettirish imkoniyatlarini muhokama qiladilar.
"Bayer"dagilar ispaniyalik mutaxassisga boshqa klublardan ham taklif kam bo‘lmasligini bilishadi. Shu bilan birga, Alonso vakillari murabbiyning kelajagi haqidagi qaror, u qanday bo‘lishidan qat’i nazar, Leverkuzen klubi bilan kelishilgan holda va tomonlar bir-birini maksimal darajada hurmat qilgan holda qabul qilinishini yaxshi bilishadi.
Qayd etilishicha, "Real" 43 yoshli mutaxassisga hali hech qanday taklif bilan chiqmagan. Hozirda Madrid klubi Karlo Anchelotti qo‘l ostida Chempionlar ligasi g‘olibligi uchun kurashga bel bog‘lagan.
Alonso "Bayer"ni 2022 yil oktyabr oyida qabul qilib olgan va o‘tgan mavsumda jamoani chempionlikka olib chiqqan edi. Uning shartnomasi 2026 yilgacha amal qiladi.













