Ўзбекистон миллий терма жамоаси Хитойга жўнаб кетиш олдидан 2-4 июнь кунлари Тошкентда икки кунлик машғулот ўтказгани ҳақиқа аввалроқ маълумот берган эдик. Миллий терма жамоа машғулотлари Тошкентдаги «ЖАР» стадионида бўлиб ўтди. Машғулотларда Шавкат Муллажонов ҳамда Анзур Исмоиловдан ташқари Қосимов томонидан миллий терма жамоа сафига чақирилган футболчиларнинг барчаси иштирок этди. Муллажонов ва Исмоиловлар терма жамоа иҳтиёрига Хитойдаги йиғин давомида келиб қўшилади.
Эслатиб ўтамиз, Ўзбекистон миллий терма жамоаси 4 июнь куни тонгда Хитойга жўнаб кетди. Қосимов шогирдлари 6 июнь куни Хитой терма жамоасига қарши ўртоқлик учрашувида майдонга тушади. 11 июнь куни эса, ЖЧ-2014 саралаши 9-тури доирасида сафарда Жанубий Корея терма жамоаси билан ўйнайди.
Қуйида миллий терма жамоа аъзоларининг Хитойга жўнаб кетиши олдидан ўтказилган машғулотларидан фотосуратларини томоша қилишингиз мумкин.
Суратлар муаллифи Ҳасан Пирмуҳамедов (ЎФФ матбуот хизмати).
