"Милан" бош мураббийи Сержиу Консейсау нима учун "Торино"га қарши ўйинда Рафаэль Леауни танаффусда алмаштирганига жавоб берди.
Португалиялик ҳужумчи асосий таркибда майдонга тушди, аммо фақат бир бўлим ўйнади, шундан сўнг у Юсуф Фофанага алмаштирилди. Учрашув "россонерилар"нинг 1:2 ҳисобидаги мағлубияти билан якунланди.
"Тактик ечимми ёки жисмоний тайёргарлик билан боғлиқ муаммолар? Унисидан ҳам, бунисидан ҳам озроқ. Рафа яхши ҳолатда эмасди, бизда бошқа ўйинчилар ҳам бор. Ҳаммаси муҳим, биз кимгадир суянмаймиз. Аммо жамоа иккита бундай бемаъни голни ўтказиб юборганида, алмаштириш ёки таркиб танлаш ҳақида гапиришдан маъно йўқ," - деди Консейсау DAZN билан суҳбатда.
