"Манчестер Юнайтед" келаси ёзда марказий ҳужумчи позициясини кучайтирмоқчи.
"Қизил иблислар" жорий мавсум Туркиянинг "Галатасарой" клубида ижара асосида тўп тепаётган "Наполи" форварди Виктор Осимхенга фаол қизиқиш билдирмоқда. Napoli Magazine хабарига кўра, инглиз клуби Осимхеннинг "Наполи" билан шартномасида кўрсатилган товон пулини фаоллаштиришга тайёр - 75 миллион евро.
Аввалроқ ОАВда нигериялик футболчи "Галатасарой"даги ижараси тўхтатилгач, "Наполи"ни тарк этиши аниқ экани ҳақида хабарлар тарқалган эди. Ҳужумчи клуб хўжайини ва жамоанинг баъзи футболчилари билан зиддиятга боргани айтилганди.
26 ёшли Осимхен Туркия Суперлигасининг жорий мавсумида 18 та ўйинда майдонга тушиб, 14 та гол урди ва шерикларига 4 та голли узатмани амалга оширди.
