"Manchester Yunayted" kelasi yozda markaziy hujumchi pozisiyasini kuchaytirmoqchi.

"Qizil iblislar" joriy mavsum Turkiyaning "Galatasaroy" klubida ijara asosida to‘p tepayotgan "Napoli" forvardi Viktor Osimxenga faol qiziqish bildirmoqda. Napoli Magazine xabariga ko‘ra, ingliz klubi Osimxenning "Napoli" bilan shartnomasida ko‘rsatilgan tovon pulini faollashtirishga tayyor - 75 million yevro.

Avvalroq OAVda nigeriyalik futbolchi "Galatasaroy"dagi ijarasi to‘xtatilgach, "Napoli"ni tark etishi aniq ekani haqida xabarlar tarqalgan edi. Hujumchi klub xo‘jayini va jamoaning ba’zi futbolchilari bilan ziddiyatga borgani aytilgandi.

26 yoshli Osimxen Turkiya Superligasining joriy mavsumida 18 ta o‘yinda maydonga tushib, 14 ta gol urdi va sheriklariga 4 ta golli uzatmani amalga oshirdi.