Норвегиянинг "Русенборг" клуби 18 ёшли футболчиси Сверр Нюпанга Европа грандлари қизиқиш билдирмоқда.
Хабарингиз бор, 18 ёшли хавбекни Лондоннинг "Арсенал" клуби яқин келажакда ўз сафига қўшиб олишни режалаштирмоқда. "Football Transfers" нашри тарқатган хабарга кўра Нюпанга "Ливерпуль" ҳам даъвогарлик қилмоқда. Мерсисайдликлар норвегиялик иқтидор эгасини "канонирлар"дан тортиб олмоқчи.
Футболчининг ҳисобида "Русенборг"нинг асосий жамоаси сафида 60 та ўйинда 13 та гол ва 11 та голли узатма бор. Нюпаннинг трансфер нархи "Transfermarkt" экспертлари томонидан 12 млн еврога баҳоланмоқда.
